Zanco S-Pen на компанијата Zini Mobiles е многу повеќе од обично пенкало. Додека смартфоните стануваат сè поголеми и покомплицирани во поглед на функционалноста, Zanco S-Pen е спротивното – малечка мултифункционална алатка за презентирање која може да се поврзе со смартфон.
Во него има вградено ласер за покажување при презентации, како и диктафон со кој може да се снимаат разни забелешки. Исто така има вградено и камера од 5MP со чија помош може да се направи некоја фотографија, наместо на пример она што го сликате да го опишувате на глас во диктафонот.
Zanco S-Pen може да се поврзе со смартфон преку Bluetooth и да се користи за гледање и одбивање на телефонски повици, со цел непотребно да не се прекинува некој важен состанок. S-Pen исто така може да се користи како универзално пенкало за лесно и прецизно пишување, а може да се користи и како алатка за цртање во проекти кои вклучуваат графички дизајн. Податоците ги снима на SD мемориска картичка вградена во него, додека батеријата издржува и до 6 дена во мирување.
Zanco S-Pen е одлична компактна алатка која користи во ситуации каде голем смартфон не би бил премногу практичен, особено во бизнис опкружување (постојани патувања врзани со работата, презентации, состаноци и сл.).