Иако живееме во свет што сè повеќе е виртуелно поврзан, исто така сè повеќе луѓе страдаат од осаменост. Во некои од развиените земји степенот на самоубиства се зголемува.
Тоа што некој е опкружен со фамилијата или пријателите не значи и дека не е осамен, бидејќи може да се чувствува одвоен од сето тоа.
Компанијата GROOVE X се надева дека оние кои имаат потешкотии во склопувањето пријателства или во пронаоѓањето на некој да го сакаат ќе успеат тоа да го надминат со новиот робот придружник со името Lovot.
Името му е кратенка од Love (љубов) + робот и се рекламира како робот кој треба да го разбуди инстинктот за љубов кај неговиот сопственик. Иако еден од начините тоа да се постигне е и земање на домашно милениче, тоа сепак побарува посериозни обврски за кои не секој има услови или пак желба и волја.
Lovot има вградено напредна технологија која вклучува т.н „емоционална роботика“.
Се продава во пар од 2 роботи кои имаат сензори за допир насекаде низ телото, како и дисплеј на очите од 6 слоеви. Кога ќе види некоја за него непозната личност, тој ќе се однесува „засрамено“ и ќе бара внимание кога сопственикот ќе му се најде на пат.
Целта на ова е на сопствениците да им даде чувство на олеснување и задоволство, да ги научи да допираат и гушкаат други за да ја почувствуваат радоста која се чувствува кога некој се сака.