Доволно долгото спиење е од исклучително значење за здравјето, но и неговиот квалитет.
На CES 2019 компанијата EEGSmart го претстави нивниот прв мини електроенцефалограм (EEG) монитор за спиење, со името UmindSleep.
Се работи за интерфејс помеѓу мозок и машина кој собира EEG податоци во реално време, истовремено анализирајќи ја менталната состојба на носителот преку неговата AI (вештачка интелигенција) технологија.
Уредот води евиденција за релевантни податоци поврзани со спиењето како што се EEG, срцевите отчукувања, кислородот во крвта, температурата на челото, движењата на телото, позицијата на спиење како и рчењето, притоа прецизно анализирајќи ги сите процеси.
Тоа вклучува и анализирање на пореметувања на спиењето и нивните симптоми, што овозможува изнаоѓање на попрактични и ефективни методи за подобрување на квалитетот на спиењето.
Според експерти од овој дел на медицината кои го имаат тестирано UmindSleep, уредот е импресивен, а резултатите од анализите се исклучително професионални.