Превенцијата е секогаш подобра отколку лечење на болеста. Ова е главната причина поради која компанијата Empatica создала нов паметен часовник кој не само што точно го прикажува времето, туку може и да го предупреди оној кој што го носи во случај да постои опасност од развивање на сериозна респираторна инфекција, пред да се појават симптоми за неа.
Овој часовник ќе биде базиран на технологијата на нивниот Embrace2 паметен часовник наменет за оние кои живеат со епилепсија.
Embrace2 се потпира на напредното машинско учење со цел да ги следи физиолошките сигнали и да открива необични модели на однесување за веднаш ги извести старателите/негувателите на личноста која го носи дека е можно да се случи конвулзивен епилептичен напад.
Оваа технологија исто така може да ја процени здравствената состојба пред да се манифестираат одредени симптоми преку предвидување на изложеноста на одредени патогени, испраќајќи предупредување и до старателот и до корисникот.
Tоа значи дека овој иден паметен часовник ќе биде способен да ве информира дека постои шанса да се разболите пред да се појават симптомите, што ќе ви овозможи да преземете превентивни мерки.