Makr Shakr е компанија која уште од 2013-та работи на дизајнирање на роботски шанкер. Проектот започнал како социјален експеримент дизајниран од Карло Рати, до студија како луѓето може да ја прифатат вештачката интелигенција и останатите решенија за дигитално производство во неочекувано опкружување.
Идејата била прифатена и сега Makr Shakr се компанија во која работат мноштво инженери и имаат разновидни продукти. Нивниот последен производ е роботот „Тони“ – бионичен шанкер со две раце кој се продава за 99 000 евра.
Тони со помош на вештачка интелигенција е способен да подготвува стотици рецепти за разни пијалаци и коктели, а се контролира преку апликација.
Способен е за еден час да подготви 80 пијачки од 158 шишиња кои му се на располагање, а може да функционира 6 часа пред да треба повторно да се приклучи на струја. Има и два екрана на кои во реално време можат да се следат нарачките, времето потребно за чекање и разни статистики.
Makr Shakr инаку преносниот шанк со минималистички дизајн може да се купи или изнајмува.