Стејси Спајкс, основачот на компанијата MovePass, има нов стартап наречен PreShow – апликација со чија помош ќе може да се добијат бесплатни билети за кино, сè додека изгледате 15 до 20 минути со реклами со помош на технологија за следење на погледот. Преку која што апликацијата ќе се осигура дека погледот ви бил вперен во рекламите, а не настрана.
За разлика од рекламите на YouTube кои по неколку секунди може да се прескокнат или пак целосно да се блокираат преку екстензии на интернет пребарувачите, за да се користи новата апликација корисниците ќе мора да бидат логирани со FaceID на Apple.
За да се добијат билетите, погледот ќе мора цело време да биде вперен во екранот со рекламите (или било каква брендирана програма како трејлери за филмови, интерактивна содржина од други компании и сл.), а доколку погледнете настрана, на екранот ќе се појави црвена рамка и тие ќе бидат паузирани сè додека не продолжите да ги гледате.
Спајкс вели дека не планира да ја лиценцира оваа технологија за да ја користи било кој друг освен неговата компанија PreShow.
Сега засега, се собираат финансии преку Kickstarter, а откога ќе се појави на пазарот би можела да биде на располагање за корисниците преку месечна претплата.