Воздухопловните сили на САД објавиле дека започнале нова програма со вештачка интелигенција која ја нарекуваат „Skyborg”, за која воените лидери се надеваат дека ќе може автономно да управува со дронови и борбени авиони во иднината.
Дури и пред самиот да управува со летала (со дронови во 2021, а со борбени авиони во 2023), овој систем со вештачка интелигенција (AI) се очекува да им помага на човечките пилоти во воздушните борби и во справување со комплексните контроли на авионите.
Специфичните побарувања на воздухопловните сили на САД кои важат за сите изведувачи кои сакаат да помогнат во создавањето на Skyborg вклучуваат способност за автономно полетување и слетување, и имање на отворен софтвер со кој инженерите би можеле бргу да ги подобрат/променат неговите способности кога тоа ќе биде потребно.
Skyborg нема да биде првиот воен AI систем направен во САД. Морнарицата веќе работи на автономни борбени бродови, а ништо поназад не се и некои други земји. Обединетото Кралство прави сопствени борбени дронови контролирани од AI, а Русија има претставено полу-автономни борбени тенкови.