Во кинескиот затвор Yancheng моментално завршува неколкумесечната конструкција на нов „паметен“ систем за набљудување дизајниран постојано да ги набљудува затворениците, дури и кога се во своите ќелии.
Според официјалните лица, тој ќе ги направи бегствата практично невозможни, но би можел значително да влијае на психата на затворениците.
Системот ќе се состои од мрежа камери и сензори способни за постојано следење на затворениците, кои ќе користат систем со вештачка интелигенција (AI) за препознавање на лица, како и технологии за анализа на движењата, и кои ќе даваат дневни извештаи за секој затвореник кој ќе биде „обележуван“ доколку се смета дека неговото однесување е невообичаено.
На пример, доколку затвореникот е забележан како постојано се шета горе-долу во некоја просторија, машината може тој феномен да го смета за сомнителен и да побара од чуварите да направат проверка.
Минати истражувања покажале дека кога некоја личност е свесна дека постојано ја надгледуваат, тоа може да го зголеми нејзиното ниво на стресот и анксиозност. Тоа значи дека една од негативните последици на употребата на AI технологијата во затворите би можела да биде влошување на менталното здравје на затворениците.