Тим истражувачи од MIT и NAS креираа нов вид на авионско крило кое воздушните патувања би ги направило поефикасни. Крилото е направено од стотици идентични лесни коцкасти структури кои се поврзани и прекриени со тенок полимерен материјал.
Овој дизајн на крилото му овозможува автоматски да ја менува формата, прилагодувајќи се кон најоптималната конфигурација за одредена фаза од летот – на пример, една за полетување а друга за слетување.
Крилото кое истражувачите го креирале и тестирале има големина колку крило на помалечок авион со едно седиште, а со него бил демонстриран и нов производствен процес кој времето потребно да се создаде секоја индивидуална структура го намалува од неколку минути на само 17 секунди.
Со усовршување на оваа технологија, би можеле да се креираат големи и лесни цврсти структури кои не би чинеле многу, а би ги подобриле перформансите на леталата или пак антените кои би се користеле на вселенските летала и структури.