Руската стартап компанија „Startrocket” сака на брендовите да им понуди шанса да го проектираат нивното лого и останати комуникациски материјали од Вселената.
Клиентите би креирале свој „орбитален билборд“ со помош на серија рефлектирачки сателити познати како „кјубсат“ кои огромните рекламни материјали би ги проектирале на ноќното небо.
Од Startrocket планираат да ги лансираат овие сателити за креирање дисплеј со потенцијална публика од 7 милијарди луѓе, кој би имал површина од 50 квадратни километри и би прикажувал реклами во интервали од 6 минути врз одредена област.
Реакцијата на интернет не беше претерано позитивна - повеќето ваквиот начин на рекламирање го нарекоа огромен потенцијал за загадување на небото и „дистописка иднина“, додека пак други побараа небото да биде заштитено како јавен простор и да не се користи за генерирање на приватни приходи.
Поради тоа, Pepsi се дистанцирале од тоа да бидат дел од тестирањето на технологијата, иако биле прв клиент на Startrocket.
Startrocket планираат да го тестираат првиот орбитален дисплеј во 2021, за што ќе мора да обезбедат 25 милиони долари до 1 октомври 2019-та