Американскиот производител на летала MD Helikopters ги објави деталите во врска со нивниот нов MD 969 Twin Attack хеликоптер.
Во неговиот заден дел се наоѓа системот за наведување на оружја од кој може да се лансираат 7 објекти – од проектили, па до малечки дронови кои можат да извршуваат сопствени мисии независно од хеликоптерот.
Постоечки дрон кој би било возможно да се лансира од хеликоптерот е Coyote на производителот на воена опрема Raytheon. Coyote е малечок дрон кој досега се користел за собирање на витални информации за ураганите, особено на локации каде брзината на ураганските ветришта е преголема за таму да може да лета авион со екипаж.
Во воена ситуација, малечките дронови можат да бидат лансирани од хеликоптерот за да се има поголем увид на она што се случува на земјата и во воздухот за време на операции каде видикот не е голем.
Британските воени сили исто така се заинтересирани за користење на дронови на бојното поле, конкретно за развивање на технологија која би вклучувала јата од дронови кои би го опкружиле непријателското летало и би го присилиле да слета.