Првата верзија на Nebia Spa тушот е лансирана во 2015-та, а од тогаш оваа стартап компанија помогнала да се заштедат 380 милиони литри вода благодарение на иновативниот дизајн кој користи атомизација – процес со кој водата се ситни во малечки капки.
Сега, Nebia во соработка со американскиот бренд Moen кој произведува чешми го развиле Nebia Spa 2.0 – втората верзија на овој туш, со која се заштедува 65% од водата и 60% од енергијата потрошена за нејзиното греење, во споредба со класичен туш.
Најновата иновација користи оптимизирана верзија на H2micro fluid и термалната технологија на Nebia, додека новите прскалки се перфектно позиционирани и модифицирани за да ја максимизираат распространетоста на водата која доаѓа во контакт со кожата.
Моментално е во тек Kickstarter кампања чија цел е да се заштедат 4 милиони литри вода до крајот на 2021-ва, а покрај тушот, во пакетот се добива и упатство за инсталација и делови кои овозможуваат тушот да се поврзе со домашната инсталација, како и алуминиумска полица.