За фамилиите во Америка кои живеат со помалку од 200 долари месечно, пристапот до безбедно сместување кое обезбедува засолниште од еколошка и физичка опасност е критично.
Ваквото ранливо население обично е последно до кое стигаат новите иновации на ова поле, но сега 3D принтањето нуди нова и моќна алатка која може да им излезе во пресрет.
Компанијата Fuseproject во соработка со New Story, непрофитна организација чија мисија е да стави крај на глобалното бездомништво и ICON, градежна технолошка компанија посветена на револуционизирање на градењето на домови, работат на дизајнирање, планирање и градење на првата 3D принтана општина, т.е комуна, во која еден дом би можел да се испринта за 24 часа. Со тоа ќе им помогнат на фамилиите во Латинска Америка на кои им се потребни живеалишта кои што ќе можат да си ги дозволат.
Секој од овие домови има уникатен дизајн кој се вклопува во локалната култура и опкружување, а нивната градба се планира да започне ова лето. Станарите би требало да почнат со вселување веќе на крајот на 2019-та и почетокот на 2020-та.