Македонски Телеком со нова Magenta 1 за сите

• Флексибилна и едноставна понуда која вклучува повеќе комбинации
• Повеќе мобилен интернет, бонус за уреди и 1GB мобилен интернет во роаминг

Македонски Телеком воведе нова Magenta 1, флексибилна понуда со најдобриот избор на услуги за сите. Во понудата се вклучени повеќе комбинации кои корисниците можат сами да ги изберат преку интерактивната веб страница достапна за сите видови екрани, а со секоја комбинација следуваат дополнителни можности и поволности.

Новата Magenta 1 вклучува повеќе мобилен интернет во домашна мрежа и 1 GB мобилен интернет во роаминг во речиси сите земји во светот, цело лето. Промотивно корисниците добиваат и бонус од 16 000 денари за нов телевизор или смартфон.

Со MaxTV Go можат да се следат омилените домашни и странски ТВ канали од каде било и преку кој било уред на кој има интернет. Новата Magenta 1 нуди и врвна онлајн заштита за децата при користење на интернет со Kaspersky Safe Kids, како и можност за подобар Wi-Fi сигнал во домот со Speed port Plus рутер.

Со новата Magenta 1, Македонски Телеком прави поедноставен продукт, со можност за повеќе комбинации согласно потребите на корисникот, со што им овозможува на сите да бидат дел од големото Magenta 1 семејство.

Интернет пристапот е неодвоив дел од секојневието денес, затоа Македонски Телеком постојано вложува во мрежата за да овозможи поврзаност со можностите на технологијата во дигиталното време и комуникација секаде и за сите. Со новата Magenta 1 корисниците освен новите поволности го добиваат и најдобриот и најбрз интернет.