За да се „зачисти“ авионската индустрија, научници финансирани од NASA работат на развивање на комплетно електрични летала напојувани со криогенско-течно водородно гориво.
Научниците од Универзитетот на Илиноис добиле 6 милиони долари од NASA со цел за 3 години да ја развијат оваа технологија која еден ден би можела да ја револуционизира авионската индустрија.
Водородот после многу години конечно е исплатлив за користење – Европа значително инвестира во системи кои работат со ветер и водород, додека Германија скоро претстави воз кој се напојува со водород.
Проблемот е што сегашните водородни ќелии немаат доволна енергетска густина за да напојуваат авион, без притоа премногу да тежат. Криогенското ладење на водородот би ја зголемило густината на ќелиите доволно за да можат да се употребуваат за оваа намена, но технологијата која би напојувала еден таков авион сè уште не постои, што е причината за инвестицијата на NASA.