Во нова студија истражувачи објаснуваат како успеале да дизајнираат алгоритам базиран на технологија за автоматско препознавање на говор. Со негова помош може да разликуваат „нормално“ и „абнормално“ бебешко плачење, од кое второто најчесто е предизвикано од медицински проблем.
Податоците за тренирање на системот со вештачка интелигенција (AI) биле собрани од 26 новороденчиња од оддел за неонатална интензивна нега. Од искусните медицински сестри како и од старателите било побарано да ја кажат најверојатната причина за секое плачење – глад, пелена, внимание, поспаност или непријатност – од кои првите 4 се сметаат за нормални, додека последната абнормална.
Преку следењето на моделите во аудио сигналот од различните видови плачења, истражувачите успеале да креираат AI кое може да слуша било кое бебе и да се одреди причината зошто тоа плаче.
Истражувачите се надеваат дека оваа алатка еден ден на новите родители или старатели ќе им овозможи секогаш да знаат кога нивното бебе има реален проблем, а кога едноставно плаче без некоја поголема причина.