Јапонската компанија Kenma inc. претстави иновативна метална смола наречена Мetalface која може да има неброени примени претворајќи ги разните површини во интерактивни дисплеи. Естетиката на овој материјал го прави скоро идентичен на вистинските метали, а има способност да пренесува светлосни и радио бранови, правејќи го екстремно функционален.
Дополнително, тој не кородира, а продуктите направени од него можат да бидат лесни и тенки, револуционизирајќи го начинот на кој што луѓето ги користат и размислуваат за металите како дизајнерски материјал.
Metalface материјалот е идеален за електронски продукти, мобилни уреди и роботи, а бидејќи обичниот метал не може да пренесува светлина или радио бранови, Metalface може да стане замена за него во годините кои што следат, со дисплеи кои прикажуваат информации, се чувствителни на допир и можат да пренесуваат радио бранови како оние на 5G мрежата.
Некои од апликациите за кои дизајнерите размислиле вклучуваат користење на Metalface наместо инструмент табла во автомобилите, во знаци и дисплеи во возови и друг вид на јавен сообраќај, како панел за контрола на лифтови, дигитален дисплеј за домашни уреди како фрижидер, кади, разни сензори со кои се контролира електрониката во домот и сл.
Материјалот би можел и да се манипулира со конвенционални техники кои се употребуваат врз металите, како што е додавање на разни 3D ефекти, резбање и сл.