Нова футуристичка облека во која се вметнати живи бактерии може да помогне на оние на кои дезодорансот и слични продукти не им помагаат во спречување на непријатните телесни мириси.
Телесните мириси не потекнуваат од потта, туку од бактериите, а па така креаторите на оваа облека наречена „Skin II” решиле во самиот нејзин материјал да вметнат здрави пробиотски бактерии кои го ги намалуваат мирисите. Покрај тоа, промените во микробиомот охрабруваат обновување на клетките и се многу добри за имунолошкиот систем на кожата.
Дизајнерката Рози Бродхед ја развила оваа облека како дел од нејзината постдипломска работа на универзитетот Central Saint Martins во Лондон, во соработка со белгискиот микробиолог Крис Калеверт од универзитетот Гент.
Двајцата планираат да ја комерцијализираат Skin II во форма на спортска облека со истата технологија. Намалувањето на телесните миризби исто така ја редуцира и потребата од премногу често перење на облеката, а тестирањата покажале дека бактериите можат да преживеат и на перење на 30 °C.