Универзитетот на Мејн само што поставил три светски рекорди одеднаш. Со помош на најголемиот полимерен 3D принтер, тимот на Umaine го креирал најголемиот 3D-принтан чамец во светот, кој истовремено е и најголемиот цврст 3D-принтан објект во светот, чија конструкција траела 3 дена (што е исто така светски рекорд).
Чамецот бил претставен на церемонија каде официјалните лица ги потврдиле трите нови светски Гинисови рекорди.
На крајот на настанот, тимот ја тестирал функционалноста на 7,5 метри долгиот, 2,3 тони тешкиот чамец наречен 3Dirigo во Alfond W2 лабораторијата за океански инженеринг, кој има мултидирекционален брански базен и машина за ветер со високи перформанси.
Според соопштението за медиумите, 3Drigo дури не е ни најголемиот објект кој универзитетскиот 3D принтер може да го конструира, бидејќи тој може да принта објекти со должина до 15 метри, ширина 6,7 метри, и висина 3 метри.
Универзитетот веќе има неколку апликации за нивниот принтер, вклучувајќи и партнерство со војската на САД преку кое треба да се развијат системи за засолнување кои војниците ќе можат брзо да ги распоредат.