Научници развиле литиум-јонска батерија која се полни на зголемена температура за да ја забрза реакцијата, но ја одржува ќелијата студена за време на празнењето, што овозможува за само 10 минути да се наполни доволно за, на пример, да овозможи домет од 320км. на електричен автомобил.
Доколку се усоврши, дизајнот има потенцијал да биде вградуван во сите комплетно електрични возила чии батерии не овозможуваат доволен домет да се пристигне до одредена дестинација без да треба да се наполнат на половина пат.
Додека конвенционалните литиум-јонски батерии се полнат и празнат на иста температура, истражувачите новата батерија ја полнеле при температура од 60 °C неколку минути, а потоа таа се празнела на пониска температура.
За тоа да се постигне, тие батеријата ја ставиле во структура од никел која самата се загрева за помалку од 30 секунди до потребната температура и откриле дека кога батериите биле загреани до 60°C можеле да издржат екстремно брзи процеси на полнење и тоа во 1700 циклуси.
Фолијата од никел ја зголемува цената на секоја батериска ќелија за само 0,47%, но бидејќи дизајнот ја елиминира потребата од надворешни уреди за загревање, новиот дизајн всушност би чинел помалку да се произведе.
Моментално, тие работат на усовршување на овој систем, со цел да само 5 минути без оштетување да може да се наполни електрично возило, за што ќе бидат потребни стабилни електролити и активни материјали, покрај само-загревачката структура.