Француската агенција за конкуренција ја казни американската технолошка компанија Google со 150 милиони евра за злоупотреба на доминантната позиција на пазарот за рекламирање преку интернет.
Агенцијата го објави ова денеска, наведувајќи дека методите што ги користи платформата Google Ads на Гугл се нетранспарентни и тешки за разбирање и се применуваат на „нееднаков и по случаен начин“ од страна на компанијата.
Француското регулаторно тело исто така нареди Google да разјасни како ги користи рекламите и процедурите за суспендирање налог.
Тоа е последно во низата европски казни против Google што има многу малку конкуренција за машините за пребарување во Европа. Google соопшти дека ќе ја обжали пресудата.