Русија објави дека нивното хиперсонично оружје наречено Avangard сега е функционално, со што нејзината војска е првата која поседува нова класа на нуклеарно оружје против кое останатите војски моментално немаат одбрана.
Avangard може да патува со брзина 27 пати поголема од онаа на звукот, а за разлика од регуларните проектили кои следат претходно одредена патека, тој ќе биде способен брзо да маневрира за да избегне било каков одбранбен ракетен систем кој ќе се обиде да го уништи, правејќи го исклучително тежок за пресретнување. Проектилот ќе биде монтиран на интерконтинентални балистички ракети кои како дел од иницијативата за транспарентност, Русија скоро ги демонстрирала на американските инспектори.
Avangard е дизајниран од нови композитни материјали кои можат да издржат температури до 2000 °C, бидејќи летот низ атмосферата со хиперсонични брзини ќе резултира со огромно загревање на проектилот.