Истражувачите од EPFL, најистакнатата европска институција за наука и технологија, развиле метода за 3D принтање која може да продуцира малечки и прецизни принтови (со прецизност од 80 микрометри) во рекордно време од само 30 секунди.
Оваа иновативна технологија би имала огромен потенцијал во разни индустрии, како во 3D био-принтањето и стоматологијата.
Додека регуларните 3D принтери креираат слој по слој, и за изработка на цел објект се потребни часови, технологијата развиена од EPFL користи ласерски зраци кои градат цели модели. Процесот вклучува цилиндер исполнет со проѕирна течност развиена од лабораторијата за применети уреди за фотоника (LAPD), кој се врти додека во него е инјектиран ласер со чија помош се стврднува површината на посакуваниот модел. Целата технологија е базирана на принципите на томографијата, метода која се користи претежно за создавање медицински слики и површинско скенирање.
Ласерот ја стврднува површината преку процес на полимеризација, а во зависност од тоа што се принта, се користат алгоритми за проценување каде точно треба ласерскиот зрак да се насочи, под кој агол и со која доза.
Од сите предности врз постоечките методи, оваа нова техника е исто така способна да принта цврсти делови со различни текстури, што на медицинските и биолошки индустрии би им овозможило да принтаат меки објекти како ткива, органи, слушни помагала и сл.