„Мајкрософт“ по 27 години ќе престане да обезбедува техничка поддршка за најновата верзија на пребарувачот „Internet Explorer 11“, од денеска – 15 јуни.
„Explorer“ првпат се појави 1995 година како дел од „Windows 95“. Тоа некогаш беше најкористениот интернет-прелистувач, а врвот го достигна во 2003 година со 95 отсто удел на пазарот. Но, неговата употреба е значително намалена со лансирањето на „Firefox“ (2004), „Google Hrome“ (2008) и зголемената популарност на мобилните оперативни системи како Android и iOS кои не поддржуваат „Internet Explorer“.
Во 2016., Мајкрософт престана да го развива „Explorer“ на сметка на својот нов прелистувач, „Edge“.
Компанијата објави пред повеќе од една година дека прелистувачот ќе биде отстранет од повеќето верзии на „Windows 10“ и „11“, објавени минатата година.