Деновиве Google го претстави својот проект под називот Project Glass. Се работи за нивните паметни очила со систем кој проектира на стакло, и кои би требало да ни овозможат повеќе функции од навигација, информативен систем, е-маил па дури и пребарување на веб.
Иако може да се забележи дека Google малку задоцни, бидејќи минатата недела Epson ги претстави своите Epson Moverio очила кои работат на Android, Google ќе се потруди на својата верзија да и даде голем број на сервиси, апликации и карактеристики кои ќе ни понудат невидено информативен и забавен систем на екран кој се проектира на стакло. Една карактеристика која заслужува да се издвои кај очилата на Google е тоа што системот се управува со гласовна команда. Со оваа команда ќе дојдеме до сите потребни информации и функции без да имаме потреба од типкање. Очилата ќе работат на Android OS, на засега не е прецизирано дали се работи за постоечка или пак некоја нова верзија. Исто не е прецизирано во која фаза се наоѓа проектот ниту пак кога ќе можеме да го очекуваме на пазарот.
Иако сето ова на прв поглед делува многу интересно, факт е дека не се први на пазарот со овој уред и тоа ја прави целата ситуација потешка. Затоа ќе мора да добро да се потрудат да направат нешто интересни за да ги привлечат корисниците.
Најверојатно, најдобро би било да ги “здружат силите“ со Epson па целиот софтверски систем да го развијат на нивниот хардвер. Оваа идеја не е лоша бидејќи секое задоцнување ке претставува дополнителна препрека, а згора на се и Epson ги повика сите произведувачи на апликации да им се јават доколку сакаат да развиваат софтвер за нивните очила.