По претставувањето на iPhone 5, следеше вистински тест за американските корисници. Сите од нив паднаа на тестот кој го направи познатиот комичар Џими Кимел, кој има свое вечерно шоу на американската телевизија ABC. Тој на просечните Американци им го претстави „новиот iPhone 5“ во живо и им даде да го испробаат.
Поентата е во тоа што тој не им го даде вистинскиот iPhone 5, бидејќи неговата продажба сè уште не е започната, туку им го претстави iPhone 4. Сите поминувачи, на кои им бил понуден „најновиот“ iPhone за да го испробаат, реагирале како во раката да го држат најновиот телефон на Apple. Еден од поминувачите дури рекол и дека веќе го има iPhone 4, но истиот не можел да го препознае во рацете пред камерата, туку коментирал како овој кој го држи во рацете е полесен и има подобар екран. Погледнете го видеото.
Исто така ви ги презентираме најинтересните пародии за iPhone 5 кои денеска кружат на интернет.