Европската полициска канцеларија Europol ја предупреди јавноста за опасноста од користење на јавни Wi-Fi мрежи поради можна кражба на податоци, пренесува BBC.
Размената на чувствителни и тајни податоци, а особено користењето на мобилното банкарство не им се препорачува на корисниците кои се споени на несигурни мрежи, предупредуваат од Europol.
Тоа би требало да се прави само на безжични мрежи кои ги познаваме, а никако не на јавни места, преку разни hot spot-ви во ресторани, кафичи и слично.
Ова предупредување е поттикнато од се почестите случаи на напади и кражби на податоци извршени преку бесплатни Wi-Fi мрежи на кои се спојуваат бројни корисници од сите делови на Европската унија, пишува Слободна Далмација.
Најголема опасност се заканува од хакерските напади од типот man-in-the-middle во кои напаѓачот го пресретнува целиот сообраќај помеѓу корисничкиот уред и пристапната точка и така се собираат сите податоци разменети помеѓу нив.
Таков напад се случи пред неколку месеци и во Европскиот парламент поради што е исклучена неговата јавна Wi-Fi мрежа.