Големиот, навистина големиот Big Hoss наскоро би требало да добие и официјална потврда за својата големина, во вид на впишување во Гинисовата книга на рекорди, пишува The Verge.
Претставен е во Тексас, дел од САД кој инаку се гордее со тоа што кај нив сè е големо. За прв пат е вклучен пред публика во живо, на патеката во Форт Ворт.
Тој е дело на експертите од Panasonic, широк е 66,5 метри и висок скоро 29 метри, што значи дека е подолг од најголемиот млазен авион на Boeing од серијата 767 (400ER) и повисок од седмокатница.
Дијагоналата му е 2852 инчи или скоро 72,5 метри. Има 1080p HD LED дисплеј со 4,8 милиони пиксели и 281 трилиони бои и агол на гледање од 140 степени.
Со него управува петочлена посада, а наводно е издржлив и на работи кои би можеле да се забијат во него и ветар со брзина од скоро 200 km/h.