На пазарот во моментов постојат неколку уреди со импресивни камери како на пример Samsung Galaxy S5 со камера од 16 мегапиксели. Nokia Lumia 1020 со камера од 41 мегапиксели и Sony Xperia Z2 со камера од 20.7 мегапиксели. Па логично би било да се помисли дека Apple ќе се откаже од камерата од 8 мегапиксели за да и биде „достоен“ на конкуренцијата, зарем не?
Одговорот на ова прашање е најверојатно не. Сајтот Apple Insider разговараше со луѓето кои се запознаени со развојот на моделот iPhone 6, истите тврдат дека компанијата од Купертино ќе ја задржи својата камера од 8 мегапиксели.
А кога оваа камера е во прашање, потребно е да се вратиме малку назад во времето, или поточно за 2010 година, за да го пронајдеме паметниот телефон на Apple кој ја нема, а тоа е iPhone 4, додека сите следни модели 4s, 5, 5s и 5c имаат камера од 8 мегапиксели.
Меѓутоа, како што секој професионален фотограф знае, квалитетот на фотографијата не го одредува само бројот на пиксели, а Apple-овата iSight технологија со секоја нова генерација на паметни телефони сепак поминува низ одредени подобрувања.
Доколку компанијата навистина планира да ја задржи оваа камера, многу е веројатно дека iPhone 6 сепак ќе направи подобри фотографии од своите претходници.