Кога се подготвувате да направите веб страна прво треба да го одберете името за неа. На прв поглед можеби изгледа лесно но проблемот со добрите имиња за веб страна е тоа што тие се веќе зафатени. Но ако се зафатени не значи дека не можете да ги откупите, на ова ќе речете епа ете проблемот е решен. Но сепак за да купите некое добро име може да ве чини мнооогу.
Во продолжение ви ги претставуваме 10-те најскапи имиња за домени.
10. Beer.com
Компанијата Thought Convergence во 2004 година го купи тоа име за 4 милиони долари. Ако мислите дека денес позади таа страна се крие некој произведувач на пиво се лажете. Доменот е на продажба веќе подолго време.
9 & 8. Business.com и Diamond.com
Двата домена се купени за седум ипол милиони долари.
7. Fb.com
Facebook го купи овој домен во 2010 година за осум ипол милиони долари. Сепак на овој начин Зукерберг го заштити името кое денес заработува милијарди.
6. Porn.com
За каков сајт е купен овој домен не треба дополнително да објаснуваме, името е купено во 2007 година за девет ипол милиони долари.
5. Fund.com
Позади ова име се „крие“ компанија која нудеше разни финансиски услуги. Денес го нуди доменот на продажба, а во 2008 година го плати 10 милиони долари.
4. Hotels.com
Ова име во 2001 година е продадено за отприлика 11 милиони долари. Точниот износ не се знае, барем така потврди сопственикот за BBC.
3. Sex.com
Ова име често ги менуваше сопствениците, а последен пат се продаде во 2010 година кога ја постигна цената од 13 милиони долари.
2. PrivateJet.com
Овој домен е купен во 2012 година за неверојатни 30 милиони долари.
1. VacationRentals.com
Најскапиот домен кој е купен, ниту е за секс ниту за коцка. Купен е во 2007 година верувале или не за 35 милиони долари. Брајан Шарплес е човекот кој ја искешира оваа сума само конкурентската компанија да не дојде до името. И најинтересно од се е што на него тој домен всушност не му ни требал.