Легендарната функција „ретвит“ на Twitter е заменета со копчето share и тоа се одвиваше прилично брзо и тивко.
Оваа промена на ретвит во share ја забележа новинарот на CNBC, Ели Ландер.
Мини тестот на Twitter предизвика бес кај поединечни корисници кои ја добија новата функција, но набрзо потоа тестот е завршен и се е вратено во нормала.
Twitter не се плаши да експериментира, така да компанијата во септември на блогот напиша дека постојано експериментира со нови опции, а во најголем дел во тие случаи функциите никогаш не одат подалеку од експерименталната фаза.
„Многу е ретко да помине ден без да тестираме нешто“, напиша Алекс Роетер, потпретседателот на инженерингот на Twitter.
Компанијата во минатото исто така јасно стави на знаење дека сака да остане уникатна и да не го следи она што Facebook го прави. Со оглед дека токму share е во стилот на Facebook, малку е веројатно дека оваа промена ќе биде нешто друго освен експеримент.