Многумина на различен начин го искористија поминатиот ден на шегата 1 април за да се пошегуваат со своите најблиски, а пак медиумите тоа го направија пак со своите читатели и гледачи. Од сите нив, во оваа прилика, ја издвојуваме онаа на пар ИТ „шегаџии“ кои успеаја да прелажат многумина со една оригинална идеја.
Тие ја претставија иновативната апликација BeardSwipe, која на мажите со брада им овозможува да ги отклучат своите мобилни телефони со користење на влакната на своето лице.
Многумина наседнаа на оваа првоаприлска шега која говори за технологијата која ги отклучува паметните телефони со помош на брада. Меѓу останатите дури и Huffington Post во првата верзија на текстот напиша дека видеото за BeardSwipe апликацијата е промотивно. Нешто подоцна се испостави дека станува збор за шега која брзо се рашири на интернет.
Креаторите на оваа шега напишаа дека апликацијата која ја изработија со користење на технологијата „beardprint“ е сигурен и прикладен начин за пристапување на вашиот мобилен уред.
„Вашиот телефон користи алгоритам кој се темели на примерок кој го препознава вашиот единствен отпечаток од брадата за да ви овозможи сигурно отклучување“.
„Beardprint е само еден до многуте форми на биометрија која денес се користи за идентификување на поединци“, кажа Зак Сејл од BeardSwipe. Тој како објасни „секој човек има единствен примерок на фоликула на лицето, текстура и густина што го создава она што сакам да го наречам „отпечаток на палец на лицето“.
Шегаџиите исто така напишале дека оваа нова технологија е развиена во компанијата iStrategyLabs и дека е тестирана и за мустаќи и трепки но дека тоа не е ништо во споредба со брадата.
BeardSwipe from iStrategyLabs on Vimeo.
„Брадите се за победници“, наведе BeardSwipe дури и на својот профил на Twitter, „а победниците имаат телефони“.