Компанијата Microsoft деновиве објави видео, во кое го гледаме човекот кој ја создал познатата позадина и ја дознаваме приказната за таа фотографија. Веднаш да ви откриеме дека таа фотографија не е „фотошопирана“.
Ова е оригиналната фотографија создадена северно од Сан Франциско, во близина на домот на Џек Ореар, човекот кој фотографирал.
Секогаш кога врнело тревата на ова место станувала зелена и многу убава. Имено, секој петок тој практикувал да оди во посета на неговата девојка, па така еден ден додека возел, по патот ја забележал прекрасната зелена трева и чистото сино небо. Додека го местел објективот, се појавиле облаци, но тој сепак успеал да направи 4 фотографии.
По некое време на инженерите од Microsoft им се допаднала сликата и побарале да ја купат. Се согласил со тоа што не знаел за која намена им е, претпоставувал дека ќе ја искористат за некој натпис или вест во весник. Но, кога му кажале, бил горд на себе и знаел дека секој човек кој дошол во контакт со компјутер ќе ја памети неговата фотографија.
Репортерите кои биле во посета на Џек, решиле и тие да сликаат од фамозното место на патот. Еве ја фотографијата сликана во 2013 година.
Очигледно дека небото е посветло, а тревата потемна. Можеби затоа што во тој период не врнело.