Сакате да направите сопствен Space Shuttle, ама не занете од каде да почнете? Без грижа, NASA објави дека на 10 април оваа година целиот софтвер од повеќе од 1000 проекти ќе биде јавно достапен што значи дека ќе стане open source.
Меѓу проектите се наоѓаат ракети, ровери за Марс, климатски симулатори и криогенички системи, а софтверот ќе вклучува дури и стари изворни кодови за вселенски летала.
„Софтверот е важен елемент од портфолиото на интелектуалната сопственост на агенцијата и претставува една третина од нашите годишни иновации, изјави Џим Адамс, заменик шеф на технологија во NASA. Возбудени сме што ќе овозможиме тој софтвер да биде широко достапен, па затоа издаваме свој нов софтверски каталог“.
NASA додава дека меѓу софтверот се наоѓаат кодови поврзани со системи за проект менаџментот, дизајнерски алатки, системи за снимање, структурална анализа, автономни и роботски системи.
Кодовите претставуваат најдобри решенија за потребите на разни аспекти на комплексни мисии, а online каталогот ќе поседува пребарувач преку кој полесно ќе дојдеме до кодот кој не интересира.
Како што веројатно и сами помисливте, сите кодови сепак нема да бидат во целост јавно достапни, па така некој софтвер како оној за наведување на ракети ќе мора да побара дозвола и да пројде одредени проверки, додека некои програми ќе бидат достапни исклучиво на владините агенции на SAD.