Во последно време се повеќе се зборува за несигурноста на Android, бидејќи корисниците на оваа платформа се во состојба да инсталираат работи кои не се наоѓаат во официјалната продавница за апликации. Google затоа ќе почне да ги следи сите апликации за да ја потврди нивната сигурност, па дури и ако се инсталирани од Google Play.
Станува збор за опцијата Verify Apps, која постоеше и до сега, но скенираше апликации од други неофицијални продавници. Најлошо од сè е што таа можност во суштина скенираше апликации само по инсталација, а новитет е во тоа што VA ќе ги скенира апликациите пред инсталацијата.
Особено добра работа е тоа дека со Verify Apps опцијата корисниците вистински ќе бидат заштитени, бидејќи и по инсталацијата апликациите ќе бидат редовно скенирани, за системот да осигура дека нема да се однесуваат „чудно или сомнително“.
„Токму затоа што потенцијално опасните апликации се многу ретки, повеќето корисници никогаш нема да видат предупредување ниту било каква друга индикација дека имаат дополнително ниво на заштита“, наведува на официјалниот блог за сигурност инженерот за Android платформата Рич Ланингс.
Verify Apps опцијата без проблеми ќе работи за верзијата Android од 2.3, а и овој malware скенер би можел да се покаже како полн погодок за проблематичната платформа.