Можеби конечно ќе бидеме во прилика да го видиме паметниот телефон со 128GB простор за складирање на податоци.
Вградениот простор за складирање на податоци во паметните телефони последните години полека расте, иако напредокот е забавен со пристигнувањето на 64GB, но наскоро повторно би можеле да видиме конкретен напредок ако може да им се верува на гласините кои тврдат дека iPhone 6 ќе има 128GB интерна меморија.
До овие информации дојде сајтот Feng.com по разговорот со изворите од еден од добавувачите на компанијата од Купертино. Интересно, е дека само 5.5 инчниот модел ќе ја има таа количина на простор, додека моделот од 4.7 инчи ќе има 64GB интерна меморија.
Ова секако има смисла со оглед на тоа дека поголемиот модел ќе поседува повеќе простор во кој таа меморија може да биде сместена, а и Apple веројатно сака поголемиот модел да поседува нешто што дополнително ќе го издвои покрај поголемиот екран.
Порано гласините тврдеа дека поголемите модели ќе имаат и оптичка стабилизација на сликата, а колку сево ова е вистинито ќе дознаеме откако Apple официјално ќе го претстави својот нов iPhone 6.