Ќе бараме дозвола за пилотирање наместо возачка дозвола, а сè што нè окружува ќе биде дигитализирано.
Вакви се проценките на компанијата за пресметка на ризик Thomson Reuters, која објави неколку позначајни предвидувања за 2025-та година.
Извештајот го предвидува развојот на науката и технологијата во наредните десет години на основа на анализа на светските научни патенти и научна литература.
Еве ја прогнозата:
- Сонцето ќе биде главен извор на енергија на нашата планета, благодарение на напредните методи на собирање, складирање и конверзија.
- Големи парични средства ќе бидат вложени во проучување на демецијата, со што бројот на заболените ќе се намали.
- Со модификација на човечкиот геном, ќе биде спречен развојот на разни болести, како дијабетес тип 1.
- Благодарение на напредокот во земјоделството, недостатокот на храна и промената на цените на намирниците ќе стане минато.
- Ќе се развие воздушен сообраќај за поединци во вид на микро-комерцијални авиони.
- Сè што нè окружува ќе стане дигитализирано.
- Пластичните кеси ќе заминат во историјата, а потполно разградливите амбалажи на база на целулоза ќе бидат задолжителни.
- Развојот на лековите ќе биде далеку попрецизен, ќе поврзува специфични протеини и ќе користи антитела за да биде спречен развојот на болести, како што е канцерот. Нуспојавите на лечењето ќе бидат далеку понезначајни.
- Иако до 2025-та година луѓето нема да можат да патуваат со телепортација, квантната телепортација ќе стане реалност, што ќе овозможи истражување на „егзотични“ облици на материја.
Колку од овие предвидувања ќе се остварат, останува да видиме, но храбрите проценки укажуваат на тоа дека животот во 2025-та година ќе биде, во најмала рака, интересен.