Зарем не би било одлично кога би знаеле што им се допаѓа на другите луѓе кај вас? Ви ја претставуваме новата апликација Knozen, која ви нуди решение.
Оваа бесплатна апликација овозможува вие и вашите колеги да се се оценувате меѓусебно, да ги откриете личните карактеристики и да дознаете што мислат за вас.
Knozen ќе спротивстави двајца колеги помеѓу кои треба да одберете и ќе ви постави серија на прашања, од типот, “Која личност е попријателски настроена?” или, “Која личност е поверојатно дека ќе купи колачиња од девојче-извидник?”
Корисникот потоа одбира кој колега најдобро одговара на описот од прашањето и може да види како гласале другите колеги на истото прашање. Кога некој ќе биде оценет, веднаш добива известување, па може веднаш да провери каква проценка направиле неговите соработници.
Најмалку 7 луѓе од една компанија мора да се логираат на Knozen пред да можат да почнат со оценување. Тоа е така направено за да се заштити идентитетот на секој корисник.
Knozen можеби е идеалниот рецепт за „катастрофа“, но нејзиниот основач, Marc Cenedella, вели дека нема потреба за грижа. Тие едноставно сакаат „да внесат нешто лично на интернет” и дека содржината на прашањата е секогаш „позитивна и весела“ и без прашања за физичкиот изглед.
Апликацијата веќе има добиено финансиска поддршка од 2,25 милиони долари и е достапна за симнување од минатата недела, но можно е да е недостапна на некои локации. Knozen работи само на iPhone, зафаќа 13,9 MB и е бесплатна за симнување.