Пред една недела YouTube на видеата кои споро се вчитуваат почна да прикажува порака за грешка: “Имате прекинувања? Дознајте зошто“, се наведува во пораката на Google.
Клик на тој линк ве води до страната на Google Video Quality Report каде можете да го споредите квалитетот на стримингот на своите локални ISP. Ако вашиот провајдер е бавен, Google сака да знаете за тоа.
Страната Video Quality Report на интернет е веќе неколку месеци, меѓутоа сината трака која предупредува на грешки во стримингот е нова. Извештајот на Google за квалитетот на видеата открива кои ISP постојано нудат непрекинат HD или SD, или пак лош сигнал во областа каде што живеете.
Можете дури и да одберете различни локации и да ги споредите со својот стриминг и со оној кој го примаат вашите пријатели преку оптички кабли и слично. Дали овие податоци се всушност корисни?
Тешко е да се каже бидејќи графиконите на извештајот за квалитет на видеото не се означени со било кој вид на нумеричка вредност, така да во најдобар случај можете да сфатите кој период од денот е најлош или најдобар за стриминг, и кои ISP имаат најдобар квалитет на услуга.