Денешните “паметни“ домашни уреди многу често не се меѓусебно компатибилни, па произведувачите на технолошки уреди сакаат заеднички стандарди за се поголем број на аларми, телевизори и прекинувачи за светло да бидат поврзани со интернет.
Технолошките компании Samsung Electronics, Intel Corp и Dell ги здружија силите за да го нормираат поврзувањето на домашните апарати како термостати и сијалици преку интернет. Новиот конзорциум Open Interconnect Consortium, како AllSeen Alliance кој го подржува Qualcomm, LG Electronics и останатите, има за цел да го утврди начинот на заедничко работење на паметните уреди.
Тоа е тренд познат под називот Internet of Things. Произведувачите на технолошки уреди развиваат се поголем број на аларми, телевизори и прекинувачи за светло кои се поврзани со интернет. Но, како што беше во раните денови на видеоуредите, така сега паметните домашни уреди многу често помеѓу себе не се компатибилни.
Минатата недела Microsoft стана 51-от член на AllSeen Alliance во која членуваат уште и Sharp и други произведувачи на домашна електроника. Даг Фишер, генералниот директор на одделот за Software and Services Group на Intel, изјави дека рамката во која ќе се развива новиот конзорциум ќе биде насочена кон решавање на сигурноста и останатите прашања, кои конзорциумот на AllSeen не ги решил адекватно.