Покрај неколку интригантни информации, како паметните телефони со 4GB, нештата беа прилично мирни кога ZTE е во прашање. Меѓутоа, тукушто објавената Nubira Z7 успеа да создаде одредени бранувања.
Се чини дека ZTE во овој модел успеа да стави се што LG G3 го прави да биде одличен телефон, но по значително пониска цена. Како моделот G3, Z7 е премиум уред со 5.5 инчен Quad HD дисплеј со 538 пиксели по инч, процесор Snapdragon 801, 3GB RAM и камера со 13 мегапиксели и оптичка стабилизација.
Сето ова, плус 32GB интерна меморија, изнесува 550 долари што е околу 200 долари поевтино од моделот G3, без договор. Но не е во прашање идентичен клон, ZTE не успеа да го прекопира ултра тенкото куќиште, па така Z7 е нешто повисок (153.2mm vs. 146.3mm) и малку поширок (1mm).
Друго нешто кое би можело да разочара многумина, се однесува на достапноста на овој модел кој ќе биде најверојатно ограничен само на Азија.