Новиот рутер на компанијата ASUS е повеќе од брз, тој е супер брз.
Според она што го објави тајванската компанија, рутерот RT-AC87 е „прв на светот“ со карактеристики на Wave 2, кои носат голема сигурност, големо зголемување на брзина и подобрување на вкупните перформанси на 802.11ac генерација на WiFi рутер. Се работи за една од оние компоненти кои допрва треба да се пробијат во меинстримот.
Благодарение на оваа нова технологија, овој уред под ознаката ASUS RT-AC87 ги насочува пакетите со податоци на нивниот пат кон компјутерската мрежа, може да го насочи сигналот од 5GHz до брзина од 1,73 Gbps, што претставува голема можност за некој кој има многу различни 802.11ac уреди под ист кров.
За сите оние кои сакаат да гледаат видео на интернет сервисите како Netflix, стримуваат во живо, играат видео игри или едноставно имаат премногу поврзани уреди кои сите се спојуваат наеднаш, овој рутер за нив е идеален.
RT-AC87 наскоро ќе биде на располагање по цена од 270 долари, но за жал во оваа почетна фаза ќе биде достапен само во САД.
За сега ASUS може да ужива во титулата најбрз насочувач кој е достапен на пазарот.