Apple од своите добавувачи нарача огромна количина на нови 4,7 и 5,5 инчни iPhone 6-ки. Овој паметен телефон ќе биде претставен на есен, пренесува Бизнис Инсајдер.
Неименуваниот извор на добавувачот тврди дека Apple нарачал помеѓу 70 и 80 милиони уреди, кои ќе бидат произведени до крајот на годината.
Големината на нарачката од компанијата говори дека Apple има голема доверба во новиот уред. Минатата година нарача помеѓу 50 и 60 милиони 5S и 5C.
Бизнис Инсајдер пишува дека зголемувањето на нарачката е резултат на партнерството со компанијата China Mobile и желбата за популаризација на уредот на пазарите во развој.
Добавувачите Foxconn и Pegatron ќе започнат со произведување на 4,7 инчниот уред следниот месец.
Компанијата Hon Hai Precision Industry Co. со производство на 5,5 инчниот iPhone ќе започне во септември. Тоа значи дела поголемиот уред ќе се најде на пазарот два месеци по 4,7 инчниот модел.