Компанијата Modiface издаде Beauty Mirror апликација за 64 битни iOS уреди (iPhone 5S/iPad Air/iPad Mini Retina),која претставува некој вид на дигитално огледало, додека истовремено поседува и ефекти со кои ќе можете да го разубавите вашето лице.
Особено е интересна апликацијата поради тоа што тие ефекти и филтри ги поставува во живо во видеото, со помош на систем за проширена реалност (AR) и "face tracking", а тие трансформации на алгоритами апликации го прават тоа на многу дискретен начин, бидејќи се трудат навистина да ве разубават.
Помеѓу филтрите на апликацијата се наоѓаат и такви кои го стеснуваат, прошируваат, издолжуваат и чистат лицето, па на пример можете да видите како би изгледале со потенко лице или помал нос.
Авторите се труделе ова да не биде алатка за специјални ефекти, па апликацијата не ви овозможува претерување, односно да го претворите лицето во животинско, чудовишно или да си додадете вонземски дел.
Оваа алатка би можела да се нарече своевиден AR facelifting, па веруваме дека ќе им се допадне на сите кои поминуваат малку повеќе време од што треба пред огледало.