Протекоа снимките за новиот уред на Apple или барем слики од деловите за новиот и очекуван iPhone 6.
YouTube корисникот iCrackUriDevice вели дека ова видео со фотографии прикажува куќиште за позлатен iPhone 6.
Прво ги видовме на блогот 9to5Mac, кој напоменува дека не постојат докази дека овие слики всушност ги покажуваат вистинските производни делови на Apple. Но, новите фотографии сепак се во склад со поранешните снимки од телефонот кои протекоа, што според Бизнис Инсајдер е „многу интересно“.
За што се работи? Ако овој модел е вистински, односно ако ова се навистина делови од новиот iPhone 6, тогаш новиот уред на Apple изгледа дека ќе има големи пластични „прозори“ за да им овозможи на сигналите (GPS, WiFi, Bluetooth и други) да продрат преку куќиштето.
Тие прозори всушност се бели траки кои може да се видат на работ на куќиштето, кои обично се нарекуваат „antenna breaks“.
Исто така можеме да видиме дека овој пат Apple своето лого го третира малку поинаку. На новиот телефон логотипот е изрезбан во метал на надворешната страна на куќиштето.