Тоа дека многу луѓе се опседнати со мобилните телефони не е веќе никаков новитет, но се повеќе се оние кои не се одвојуваат од своите уреди дури ни кога спијат, барем така покажува истражувањето кои го спроведоа на Pew Internet Project.
Истражувањето покажува дека дури 44% од луѓето кои поседуваат мобилен заспиваат со својот телефон (некои намерно, некои случајно). Во продолжение ви пренесуваме три причини поради кои тоа не е баш добра идеја.
Можете да ја запалите перницата. Една тинејџерка од Тексас неодамна од сон ја разбудила смрдеа, а кога се разбудила имала што да види. Нејзиниот Samsung Galaxy S4, кој бил под перницата делимично се стопил и успеал да ги запали чаршавот и душекот.
Истрагата открила дека најверојатно е виновна заменската батерија, која произведувачот не ја одобрил и на која ги предупредува корисниците. Во прирачникот исто така ќе најдете дека мобилниот не треба да го покривате особено не со ткаенина и прекривачи.
Може да ве држи будни. Мобилните, некои телевизори, таблети и уреди со LED екрани се познати по тоа што емитираат светлина која може да поттикне производство на мелатонин, хормонот кој е задолжен за поспаноста.
Светлоста која ја емитираат е слична на дневната светлина, на која реагира мелатонинот. Поради тоа е добро да се ограничи користењето на уредите пред спиење и можеби дури да се преселат во друга просторија.
Можни се ризици по здравјето. Уште ниту едно истражување не успеало да докаже дека користењето на мобилен предизвикува рак. Ниту пак дека користењето на мобилен да го поврзе со ниту една болест, иако е потврдено дека зрачењето кое го емитира не е опасно по телото на човекот, Светската здраствена организација во 2011 година сугерираше дека зрачењето можеби сепак е штетно и можеби е канцерогено за деца.