Microsoft го објави лансирањето на новиот мобилен телефон Nokia 130, мал комбиниран телефон чија цена е 19 евра.
Уредот како што го претставија од компанијата, содржи минимални функции како што се читач на музички и видео содржини, интегрирана џебна ламба, FM радио и полнење преку USB полнач, пишува на веб сајтот zonebourse.com.
Nokia го промовира и како преносен видео и музички плеер, чија батерија може да издржи 16 часа видео и 46 часа музика, додека доколку мобилниот е во stand by може да издржи и 36 дена?!
Со вградено радио, музиката можете да ја складирате на microSD картичка со капацитет до 32GB.
Microsoft од друга страна пак забележа загуба од 1,7 милијарди долари на пазарот на електронски таблети.
Загубата започна во 2012 година, со лансирање на првиот таблет Surface, како што е објавено на веб сајтот Computerworld, Microsoft и понатаму ги трпи последиците од големата загуба.