Тинејџерката Триша Прабху, која има 13 година ја направи програмата „Retink“, која би можела да му застане на пат на сајбер вознемирувањето кое е се пораспространето на веб, а особено на социјалните мрежи.
Претпоставувате ли кој може да е најзаинтересиран за проектот на ова девојче од Илиноис? Секако тоа е компанијата Google.
Програмата овозможува личностите кои сакаат да објават одредена порака повторно да ја прочитаат нејзината содржина пред објавувањето и им се поставува прашањето дали навистина сакаат да ја објават.
„Retink“ ги предупредува авторите на пораката за последиците кои би можеле тие да ги имаат од оние на кои им се упатени, се вели на веб сајтот zone-numerique.com.
Програмата е тестирана на 533 ученици на возраст од 12 до 18 години и даде позитивни резултати, бидејќи 93 проценти од учесниците на крајот избраа да не ја испратат почетната порака со непријатна содржина.