Компанијата Microsoft, чии напори да се заборави лошата репутација на нивниот навигатор Internet explorer (IE), не вродија со плод, најверојатно ќе го ребрендира, односно ќе го промени името на тој навигатор за да ги убеди корисниците да имаат доверба во нивната нова верзија со многу повеќе перформанси.
По цела низа на верзии на овој неуспешен навигатор, компанијата на Бил Гејтс направи нов навигатор, кој е полесен, побрз и има подобри перформанси.
Но, и покрај сите новитети кои воопшто не се доведуваат под знак прашалник, новиот IE 11 и понатаму носи товар кој е наречен лоша репутација на брендот Internet explorer од минатото.
Еден од програмерите на компанијата, изјави дека промената на називот е интерно сугерирана.
- Се сеќавам на низа многу долги мејлови во кои луѓето водат жолчни расправии, започнати се голем број на идеи за начинот на кој можеме да се ослободиме од негативните перцепции кои денес повеќе не го одразуваат нашиот производ, изјави програмерот.
Тој додава дека таа расправија е водена само пред неколку седмици и дека никаква одлука за сега не е донесена.
Но тоа би можело наскоро да се случи, барем така се вели на веб сајтот numerama.com.