За оние кои не се во добра форма, кои немаат доволно средства, време или храброст да се искачат на Монт Еверест, постои интернет страна која без мака ве води на прошетка во 3D верзија.
Иако ова не е вистинско доживување, прошетката ви овозможува детално и релјефно запознавање со сите етапи на освојувањето на највисокиот врв на светот. „Планинарите во влечки“ се движат од базниот камп и се качуваат се до самиот врв на 8.848 метри висина, од каде што се гледаат Хималаите.
Оваа веб-страна е создадена во чест на 16 планинари кои загинаа поради снежна бура на 18 април, оваа година. За време на разгледувањето, планирана е пауза токму на местото на несреќата. Исто така поставен е и линк за оние кои сакаат да донираат пари за фамилиите на загинатите.